„Chase the Sun, Wear the Style!” - ასეთია ბრენდის სლოგანი, რომელიც ქართულ ბაზარზე სულ რამდენიმე თვეა რაც გამოჩნდა და არაერთ ქალბატონსა თუ გოგონას შეაყვარა თავი.
დამეთანხმებით, რომ ქალური სურვილების აღმოჩენა არც თუ ისე მარტივია, არავინ იცის, როდის რა გვინდა და რა მოგვწონს, მაგრამ ის, რაც ორიგინალური, ექსკლუზიური და დახვეწილია, ყველა გოგონას ჩანთაში ან გარდერობში აუცილებლად მოიძებნება. თუმცა, ბრენდმა სულ რამდენიმე თვეში არა თუ ჩანთა და გარდერობი, არამედ პირდაპირ ქალბატონების გული მოიგო და აღმოაჩინა ის მარადიული საიდუმლოება, რასაც ყველგან და ყოველთვის ვეძებთ! დიახ, ეს სიყვარულია და სიყვარულით შექმნილი აქსესუარები თქვენი დღის განწყობის გზამკვლევია!
გაიცანით, ეს კოტესია - ქართულ-ესპანური კოლაბორაციით შექმნილი ქალის აქსესუარების ბრენდი, რომელიც ექსკლუზიური სამაჯურებითა და ყელსაბამებით, ორიგინალური ქამრების მოდელებითა თუ ფერადი, დახვეწილი თასმებით წარსდგა მომხმარებლის წინაშე. მზის მოტივთან დაკავშირებული ბრენდის ლოგო და სლოგანი განასახიერებს ენერგიას, სინათლესა და ბრწყინვალებას. ის პირდაპირ ამაღლებულ, სასიამოვნო განწყობას ჰქმნის და გაძლევთ ძალას, თქვენი ყოველდღიურობა მრავალფეროვანი გახადოთ. ეს კი პატარა დეტალებითაც შეგიძლიათ.
მართლაც, სულ ორი წუთით დაფიქრდით, რაოდენ დიდი მნიშვნელობა აქვს აქსესუარს, რომელსაც ატარებთ. ის თითქოს თქვენი იდენტობის ნაწილი ხდება და სულ უფრო მეტ ენერგიას გაძლევთ.
რატომ მზე? რადგან, მზის პირველი სხივები ენერგიას გვმატებს, გვაძლევს ძალას ვიყოთ თავდაჯერებულები და ყოველდღე გამოვიყურებოდეთ დახვეწილად, ელეგენტარად და მომხიბვლელად. ბრენდის მისიაც სწორედ ესაა - გააღვიძოს უხილავი ძალა თითოეულ ქალბატონში... ძალა, რომელიც ყველაშია... ძალა, რომელიც თქვენი იდენტობის განუყოფელი ნაწილია.
კოტესის მთავარი მიზანია, შექმნას ისეთი აქსესუარები, რომელიც თქვენს უნიკალურობას წარმოაჩენს, შეგმატებთ თვითდაჯერებულობას და შეგახსენებთ, რომ ყოველდღე მზესავით უნდა კაშკაშებდეთ. გვჯერა, რომ თითოეული აქსესუარი თქვენი ინდივიდუალურობისა და თვითგამოხატვისთვის საუკეთესო თანამგზავრი გახდება.
ჩვენთვის, საამაყოა გაგაცნოთ კოტესის პრემიუმ ხარისხის აქსესუარები და გაგიზიაროთ ხრიკები, მოდასა და ტრენდებთან დაკავშირებით.